Volta ó cole

Queridos compañeirxs:

O primeiriño de todo que queremos é pedirvos perdón por voltar tan tarde a actualizar o blogue pero debido a unha serie de acaecementos e a que chegou o verán (ansiadas vacacións) deixamos a cousa en "stand by".

O segundo que vos queriamos comentar é que este ano o PSdG-PSOE de Castrelo está a vender participacións de loteria cun prezo de 5€, dos cales xóganse 4€. Como xa sabemos que a sorte non é de quen a busca senon de quen a atopa, animámosvos a que compredes unha participación, ¡non vaia ser o demo! O boleto no caso de estar premiado, poderase cobrar no local do PSdG-PSOE de Castrelo sen ningún tipo de problema.

Xa sabedes, se tedes calquera dúbida, problema ou suxerencia este é o noso mail de contacto: castrelopsoe@gmail.com.

Un saudiño agarimoso de volta ó cole.

Fin de campaña

Compañeirxs:

Isto xa remata. Mañá será día de reflexionar e xa non se poderá pedir o voto nin facer campaña. Sei que moitos de vós aguantáchedes carros e carretas, estivéchedes de sol a sol falando cos veciños, algúns tivemos mesmo que soportar improperios...pero MERECEU A PENA. De parte de toda a nosa agrupación: GRAZAS

Grazas de corazón a tódolos veciños de Castrelo. Grazas por abrirnos as portas das súas casas, por adicarnos un sorriso cando o cansazo era extremo, grazas a todos aqueles que nós fixeron críticas construtivas, grazas a tódolos lectores do blogue e a tódolos que comentaron, a todos aqueles que nos animaron a seguir adiante cando o vimos todo negro, grazas ás familias, amigos e veciños polo cariño que lle demostran ter o seu Concello. ¡ MOITAS GRAZAS!

Todos vós xa sabedes o que podemos ofrecer. Temos ilusión, somos traballadores e queremos ó noso Concello. Como xa comentamos onte non podemos aportar licenciaturas, másters ou catro idiomas, pero hai algo que xa ven de fábrica: o esforzo.

A nós hai unha frase que nos gusta especialmente: “os mellores perfumes veñen en frascos pequenos”. En Castrelo non fan falla grandes obras: non fai falla renovar o Concello, non fai falla facer unha piscina climatizada, non fai falla avisar os veciños por SMS. Fan falla cousas BASICAS, pequenas e que case nin requiren esforzo: fai falla unha gardería para que os pais e nais traballadores poidan deixar os seus nenos, fai falla un servizo de transportes decente, fai falla unha atención médica completa os maiores, fai falla que teñamos auga limpa se chove.

Este domingo, 22 de MAIO, exerce o teu dereito ó voto. VOTA ÓSCAR LÓPEZ MARTÍNEZ do PSdG-PSOE.

Deixámosvos as fotos do voso equipo de traballo e dicimos VOSO, porque iso é o que ten que facer un goberno municipal: GOBERNAR PARA TODOS.

JAIME FONTANES FEIJOO. 63 anos. Prado de Miño.
Suplente nº4.

JOSE M. BLANCO PÉREZ. 50 anos. Souto (Santo Estevo).
Suplente nº3.

LUIS PÉREZ ÁLVAREZ. 80 anos. Astariz.
Suplente nº2.

FAUSTINO ÁLVAREZ BANDE. 67 anos. Prado de Miño.
Suplente nº1

OLGA JUSTO LÓPEZ. 43 anos. Santo Estevo.
Número 9.

Mª GLORIA FERREIRO SOBRINO. 24 anos. Barral.
Número 8.

FRANCISCO PÉREZ DIÉGUEZ. 70 anos. Ramirás (Macendo).
Número 7.

JOSÉ RAMÓN FIGUEIREDO VILLAR. 53 anos. San Estevo.
Número 6.

JUAN ENRIQUE ÁLVAREZ ALBERTE. 64 anos. A Ponte.
Número 5.

CATALINA GONZÁLEZ ÁLVAREZ. 38 anos. Prado de Miño.
Número 4.

IGNACIO RODRÍGUEZ NIEVES. 25 anos. Señorin (Macendo).
Número 3.

JAIME FONTANES VILLAMARÍN. 39 anos. Prado de Miño.

Número 2.

ÓSCAR LÓPEZ MARTÍNEZ. 30 anos. Fondo de Vila (Macendo).

Candidato á Alcaldía de Castrelo de Miño.

CASTRELO, O QUE NOS IMPORTA

Recta final

Cando xa están a piques de rematar as eleccións son moitos os que esixen, os que critican, os que empregan as ameazas. Mais cando nós ofrecemos un trato dialogante pero firme, ofrecemos respostas e todo tipo de facilidades, son eses mesmos que tanto esixen os que non queren escoitar.

Pese a quen lle pese, a Constitución no seu artigo 23 di que: “Los ciudadanos tienen derecho a participar en los asuntos públicos directamente o por medio de representantes, libremente elegidos en elecciones periódicas por sufragio universal. Asimismo, tienen derecho a acceder en condiciones de igualdad a las funciones y cargos públicos, con los requisitos que señalen las Leyes.”

Pode que nós non teñamos licenciados nas nosas filas, pode que sexamos socialistas sen mais mentres que outros adicanse a ser “nacionaLISTOS”. Nós o que ofrecemos é un trato igualitario onde as opinións dun colleiteiro teñan o mesmo valor que as dun licenciado, onde calquera persoa con independencia da súa raza, sexo ou relixión poida participar na vida municipal, onde tódalas parroquias teñan os mesmos servizos reais, os servizos que pagan, onde os nosos maiores sexan escoitados e tidos en conta e os nosos mozos sexan o motor e o entusiasmo que nos mova a todos.

Compañeirxs: a experiencia é un grado. Acádase co esforzo, co traballo, coa honradez e coa transparencia. Iso é o que distingue unha boa xestión dunha mala. Nós non podemos ofrecer títulos, moitos de nós non sabemos o que é pisar unha facultade nin sabemos o que é viaxar o estranxeiro por pracer. Nós o que sabemos é de traballo: traballar na casa coma muller e traballar a reo por levar unha familia adiante, traballar dende que tes 14 anos, traballar nas viñas de sol a sol, en pleno verán ou en inverno, traballar servindo ós demais, traballar para chegar a fin de mes para ter unha vida digna, traballar en Alemania, Suiza ou Inglaterra. Non podemos prometervos experiencia o único que podemos prometervos é TRABALLO, ESFORZO e ILUSIÓN. Moitos dirán que é unha utopía, que non son valores reais, que vendemos fume. A diferenza entre eses que queren gañar a toda costa, que queren gobernar para uns poucos (para os seus) e a diferenza que existe con nós é esa: ofrecemos cousas reais, realizábeis, nas que non vai facer falla grandes sacrificios, cousas básicas pero que non temos.

O noso programa electoral resúmese no que subimos onte o blogue. Intentamos colgalo hoxe na web pero ó tamaño do arquivo é moi grande e non o deixa subir, mais REPETIMOS: calquera que desexe o noso programa pode solicitalo por e-mail a: castrelopsoe@gmail.com ou pode indicarnos a súa dirección postal co fin de entregarlle o programa en man.

Gustaríanos precisar unha serie de cousas. O noso programa de man é moi modesto. Somos humildes e os cartos a ninguén lle medran nos árbores (que nós saibamos), por iso só podemos ofrecer o programa que entregamos casa por casa. Son moitos os que comentan que o BNG entregou non só seu programa senón varias publicacións. Queremos precisar que as revistas que levan o título “BNG Castrelo Informa” son publicacións internas do BNG, que se fan en tódolos concellos nos cales hai unha mínima forza nacionalista. É un cargo que corre a conta do partido nacionalista e que non paga a agrupación do BNG de Castrelo. Ademais o BNG confunde o que é o seu resumo das tarefas realizadas no Concello, cun programa electoral.

Non esquezamos que un Concello é unha institución pública, con independencia da forza política que esté detrás e por iso, coma institución pública debe publicar as obras, melloras, subvencións e demais tarefas realizadas SEN TINTES POLÍTICOS. O que ocorre é que o BNG atribuíse no programa de goberno, unha serie de méritos empregados coma programa electoral, volvendo a confundir “churras con merinas”.

Inda así ó final da campaña electoral ás contas de gastos, dos partidos políticos, derivadas das eleccións son PÚBLICAS, polo que xa votaremos contas para ver de onde saíron os cartos, confiando en que non fora das arcas públicas.

Finalmente, e grazas o apoio informático que nos brindou un rapaciño moi vinculado a nós, imos a demostrar que o noso programa electoral foi elaborado antes que o do BNG e que mesmo, pese ó que moitos digan, o contido do programa electoral do BNG non estivo dispoñíbel até a madrugada do domingo 15 de maio (véspera do luns 16).

Como xa vedes, nós non mentimos. Se queres un Concello coas portas abertas, onde ti sexas tomado en conta, onde podas opinar libremente: VOTA a ÓSCAR LÓPEZ MARTÍNEZ.

CASTRELO, O QUE NOS IMPORTA.

Nota: ante calquer tipo de futura acción legal queremos sinalar que os contidos que se publican na web de Facebook son de tipo público, polo que calquer persoa con conta de Facebook pode acceder a eles.

Dereitos de autor

Compañeirxs, xa estamos na recta final do camiño cara o día 22 de Maio, carreira á que algúns lle queren poñer fin xa ese mesmo día, algúns que se conforman cunha vitoria e que están convencidos de sacar maioría absoluta. Nós, en cambio, consideramos que isto é unha carreira de fondo, na que non hai vencedores nin vencidos, na que o único vencedor vai ser o pobo de Castrelo de Miño.

Temos un programa pensado coa cabeza, poñendo os pés na realidade e que elaboramos falando porta por porta con cada veciño da nosa vila. Un programa REAL, que non necesita grandes investimentos, creado a partir dos feitos e das carencias que son visíbeis por todos (ou por CASE TODOS).

Cando xa están a piques de rematar as eleccións, resulta que o Sr. Alcalde POR FIN deu a coñecer o seu programa electoral. Que tan escondido o tiña que parecía o misterio de Fátima... Un programa que “curiosamente” recordounos a algo que xa viramos: Ó NOSO PROGRAMA... ¿Será verdade?

Pero coma falar “de boquilla” é coma que chova sobre mollado, imos facer unha serie de comparacións entre o seu e o noso programa electoral:

O PSdG- PSOE propón: Mellora de camiños, carreiros, rúas e beirarrúas das parroquias, ofrecéndolle os veciños TODOLOS servizos necesarios, xa sexa con pavimentación, iluminación, puntos de recollida de lixo...etc. Sen centrarnos nos núcleos e sen ter en conta favoritismos propios. Debemos coidar os nosos recursos e en especial as nosas augas, tanto mellorando a súa calidade como a eficiencia das traídas. Por iso os veciños PODERÁN DECIDIR QUE OBRAS QUEREN LEVAR A CABO a través dos PRESUPOSTOS PARTICIPATIVOS.

O BNG propón: Construción de vivendas protexidas, restauración vivendas, prazas e fontes. Mellora do abastecemento e do saneamento e mellora das comunicacións e das estradas.

CONCLUSIÓN: Tendo en conta que o noso programa comezou a circular xa fai case un mes e que o do BNG leva uns escasos 3 días...quizais deberíamos chamar a SGAE por iso de plaxio de dereitos de autor. Tamén gustaríanos dicir que construír vivendas protexidas é unha medida de tipo social, medidas que foron impulsadas por un goberno socialista, non por un nacionalista e que ademais, este tipo de vivendas fanse nos núcleos urbanos con bastante poboación nova (cousa que desgraciadamente non ocorre en Castrelo) ou zonas que son consideradas coma “cidades dormitorio” que é cando hai un parque empresarial (que en Castrelo non hai).

O PSdG- PSOE propón: Levaremos a cabo políticas de ocio, formativas e culturais, sen esquecer os nosos dependientes co fin de que o desenrolo eficiente da lei creada polo PARTIDO SOCIALISTA farase máis eficaz no noso Concello. Por iso faremos posíbel o desenrolo dun parque Empresarial para que as empresas interesadas poidan implantarse e así fomentar a creación de postos de traballo.

O BNG propón: obradoiros, talleres, postos de traballo co centro de día e a vivenda comunitaria e a elaboración dun parque empresarial.

CONCLUSIÓN: ¡Caramba, carambita, carambola! Outra vez, casualidades da vida, temos o mesmo no programa electoral. Iso sí, o PSOE cando interesa é coma o demo pero cando non ben que utilizamos as medidas elaboradas por un goberno socialista (véxase a lei da dependencia) e por outra banda xúrdenos unha dúbida: ¿as medidas relativas o centro de día non viñan xa no anterior programa electoral de fai 4 anos? Ai ai ai...

O PSdG-PSOE propón: crearemos un aulario infantil de 0 a 3 anos para que os pais e nais do noso Concello poidan conciliar a vida laboral e familiar, e deste xeito facer realidade a lei de igualdade entre homes e mulleres. E preciso coidar a saúde dos nosos veciños. Esixiremos a Consellería que se prestar debida atención médica, xa sexa ampliando a plantilla ou cumprindo o seu horario. Ademais farase un censo de persoas que precisen de transporte para ser atendidas, co fin de facilitar o acceso os centros de saúde.

O BNG propón: elaboración dunha escola infantil de 0-3 anos, posta en funcionamento do centro de día e da vivenda social e mellora dos medios de transporte para maiores. Mellora dos centros médicos e un tanatorio de tipo municipal.

CONCLUSIÓN: ¡Mira ti que cousas! Se volve a ser o mesmo que o noso programa... hai que ver que de casualidades ten a vida.

O PSdG-PSOE propón: coidar o turismo ampliando o catálogo de deportes, especialmente os de tipo náutico, así coma o coñecemento dos lugares mais fermosos do Concello a través de sendas peonís, sen esquecer as nosas augas termais de Paradela e Santamaría, creando un balneario e posibilitando a estancia no Concello coa construción dun hotel ou casa rural.

O BNG propón: creación dunha biblioteca, centros sociais, climatización da piscina municipal, fomento das competicións deportivas e construción dun ximnasio. Potenciar o catamarán, adegas, albergues e crear un camping con bungalows.

CONCLUSIÓN: Repetir o termo plaxio xa nos parece abrumador, porque é mais que evidente. Iso sí, ¿quen quere aproveitar os recursos naturais de augas termais podendo climatizar unha piscina?

O PSdG-PSOE propón: crearemos mais rutas do viño do Ribeiro co fin de que todos poidan probar a excelencia dos nosos caldos. Esixiremos que a nosa uva, catalogada entre as mellores, acade un prezo xusto, preocupándonos polos problemas dos colleiteiros da zona.

O BNG: propón o wifi e un servizo de información municipal por SMS (mensaxeira móbil).

CONCLUSIÓN: Home, algunha idea propia tiñan que ter... Nós preguntámonos que, tendo en conta que na súa candidatura levan a un colleiteiro, un home de ben que se deixa o lombo de sol a sol nas viñas, ¿coma pode ser que non  mire polos problemas que este sector ten? Os prezos da uva son mínimos, da uva e dos produtos agrícolas en sí. Actualmente estanse a pagar uns prezos irrisorios por un produto que implica un grandísimo esforzo. Pero claro é moito mellor avisar por SMS das novas do Concello. Aquí xúrdenos outra dúbida ¿a quen vai avisar por SMS? ¿Os 99 mozos do concello, non? Porque de case 1800-2000 veciños censados cerca  do 70% teñen mais de 75 anos o cal implica que é mais que probable que non teñen móbil e que no caso de que o teñan non anden a mandar mensaxes.

Inda así, falta no seu proxecto a súa obra mais ambiciosa: a reforma da casa consistorial (o Concello). Unha obra que a saber en canto nos vai saír e que de seguro é moito mais necesaria que un aulario infantil.

O que vos estamos a contar saiu hoxe no Correo galego e Faro de Vigo (formato papel) e na seguinte ligazón: http://www.ourensedixital.com/_novas/11/05/18_07.htm.

Compañeirxs: leede as propostas. Realmente ¿queremos un Alcalde que non teña ideas propias? Que ten que copialas dos grupos da oposición, que considera mais prioritario climatizar unha piscina, reformar a casa consistorial ou enviar SMS que un aulario infantil ou ter un servizo de transportes regular co resto de localidades. Iso é o que actualmente temos en Castrelo: un Alcalde con aires de grandeza, que decide sen ton nin son ó seu antollo.

Por outra banda, investigando (xa que cando solicitamos algún tipo de información no Concello fan o “avion”) atopamos unha serie de cousas no DOGA (Diario Oficial de Galicia), que nos gustaría saber e que foran tomadas en conta.

*31 de Decembro de 2008, AGADER (Axencia Galega de Desenvolvemento Rural) otorgoulle o Concello de Castrelo unha subvención de 13.731.21 € para a realización de obras con fins turísticos. Supoñemos que se gastaron en algo que inda non vimos, pero que estar estará...

*O 20 de Marzo de 2009 á asociación de nacionalistas do Ribeiro (do Concello de Castrelo) solicita unha subvención para a mellora do seu local, subvención que ascende a 5.128,9 €.  Ousexa que varreu para a súa asociación case un millón de pesetas ó resto de asociacións que lles vaian dando moito...

*Na mesma data ó Concello, AGADER, tamén lle concede unha subvención de 77.189,18 € para a mellora de espazos naturais. Supoñemos que con eses cartos arranxou os lavadoiros, inda que non sexan considerados coma espazos naturais, pero tendo en conta que son case 13 millóns das antigas pesetas, algo ben se puido facer con eses cartos.

As nosas propostas e as notas ideas baséanse no traballo, na honradez e na transparencia.

No Castrelo que queremos haberá sempre portas abertas, haberá un oído que escoite, un sorriso amable, educación e respecto.

Ti podes lograr que isto mellore. O día 22 de Maio VOTA a OSCAR LÓPEZ MARTÍNEZ.

CASTRELO, O QUE NÓS IMPORTA.

Memoria de peixe

Memoria de pez: dícese de aquel que tiene poca o mala memoria.

Estes días estámonos a dar conta de que moitos temos memoria de peixe e de que esquecémolas cousas dun ano para outro.

Buscando no Google novas sobre Castrelo de Miño atopamos esta nova que incluso nós mesmos tiñamos moi esquecida.

En outubro de 2008 (un ano despois do nomeamento de Xurxo Rodríguez coma Alcalde de Castrelo) os veciños de Ramirás facían una sonora e visíbel protesta diante da casa consistorial. O quiz da protesta radicaba en que o Concello non lles proporcionou ós veciños de Ramirás unha escavadora que limpara o camiño de acceso o monte. En principio parece que proporcionar ou non unha escavadora non deixa de ser algo “peregrino” pero o que ocorre é os veciños tiñan prevista unha tala de árbores, valorada en 17.000 € e o non facilitarlle á empresa madereira o acceso o lugar da tala, os veciños, en lugar de cobrar 17.000 € cobraron 4.000 € menos (é dicir 13.000 €). Claro, ditas cantidades monetarias deben ser menudeces para o Sr. Alcalde o cal cobra mensualmente unha cifra que ronda os 1.500 €.

O que mais nos chama a atención é que de todos eses cartos cada veciño só recibiu 150€ per cápita duns montes que son COMUNAIS.

Pero OLLO Ó DATO, o alcalde xa fala do centro de día dicindo que supón unha inversión de 87.000 € pero, mirando o boletín de castrelo informa (pax. 46) fálase de que o investimento do centro de día foi de 214.161 €.

Aquí vos deixamos a ligazón da noticia publicada no 2008:

 http://www.laregion.es/noticia.php?id=72345

Facendo as contas temos: que o centro de día custou 214.161 € e que o que supostamente aportaron os veciños e demais institucións, co fin de cubrir entre todos o valor da obra, foi de 87.000 € (taxación inicial do valor da obra) por tanto: FÁLTANNOS 127.161 EUROS!! Que coma dicían os humoristas Cruz y Raya “¿andandarán?”.

Pero amiguiñxs o mai gracioso de todo e que na foto, onde se supón que hai una manifestación e que os veciños se están a queixar dunha mala xestión, o lóxico é que te amoses preocupado ou polo menos interesado nas súas peticións, pero se ollades a foto este Sr. sae sorrindo coma se non fora con el o conto.

Non vos conformedes cun mínimo cando podedes ter o máximo.

O día 22 VOTADE PSOE, por Castrelo, polo que nos importa.  

Deixamosvos unha fotiño do pasado domingo en Ribadavia, do noso candidato Oscar López e a nosa compañeira Olga Justo con Jesús Caldera, ex Ministro de Traballo e Asuntos Sociais (2004-2008) .

Retomamos o traballo de campo

Queridxs compañeirxs:

O primero que queriamos facer é pedir desculpas pola xestión do blogue. Como veriades o xoves e mesmo a mañá do venres o servizo técnico de Blogger viuse afectado por un erro que eles calificaban de "mantemento" o que supuxo que tódolos comentarios publicados dende o día 11 de maio, a partir das 18.00 horas (creo) foran suprimidos. Pensamos que o restaurarse o blogue os comentarios eliminados volveríanse a poñer coma publicados pero non foi así, polo que tivemos que volver a subilos nós mesmos. Por se alguén ten dubidas sobre a nosa palabra pode buscar información no Google e de feixo o xornal "La vanguardia" ate o publicou na prensa.

Fai uns días saía na prensa a nova de que o BNG de Castrelo conta con sacar maioría absoluta e que seguro que o conseguen porque están todos moi contentos. Gustaríanos traer a lembranza a frase de Ortega Cano “ y estamos tan agustitooooo”, xa que iso é o que lle pasa o goberno nacionalista, que están tan cómodos no seu sitio que queren seguir a chupar do bote outros 4 aniños mais.

Onte, tamén no blogue alguén falaba dos complexos e nós, recurrindo a frase ancestral das novas avoas imos repetir o mesmo “dime de que presumes e direite de que careces”. Quizais tanta saída en prensa falando da utopía na que eles viven (e que o resto de veciños non ve por ningures), non deixe de ser unha reafirmación de que alguén debe ter a conciencia un pouco revolta.

Traendo a colación a memoria selectiva do Alcalde e os seus grandes logros, tanto que a algún se lle enche a boca a falar da restauración de lavadoiros, rúas e demais, hoxe imos falar doutro puebliño do noso Concello, que se chama A Carixa e sí, inda que o Alcalde non o soubera A Carixa é coma Teruel: EXISTE.

Na Carixa a rúa principal ten unha fochanca que cabe case un can dentro e falamos da rúa pola que pasan tanto viandantes coma coches TÓDOLOS DÍAS. Anticipándonos a resposta do Señor Alcalde e dos seus milleiros de fans (que coma diría Belen Esteban  “estoy super feliz, estoy super feliz”) xa contestamos que sí, as obras das rúas son competencia do Sr. Pepiño Blanco, que sí é do PSOE e que sí a culpa será entón (coma sempre) de ZP, pero o Goberno municipal pode arranxar a rúa se quere ou instar as administracións a que xestionen a obra.

Na Carixa tamén teñen un lavadoiro que “curiosamente” non foi restaurado como ocorre no resto de parroquas do Concello.

Na Carixa teñen un depósito de auga (o que surte a auga potable a zona) que no fondo está cheo de lama.

Na Carixa o alumeado público que o Sr. Alcalde puxo novo sendo de “telexestión computarizada” debe de ser tan moderno tan moderno que se volveu invisible, porque alí dende a época do caudillo non se tocou nada...Pero claro, A Carixa non se ve, quizais non hai tanta xente coma en Barral ou Astariz, quizais non sexa unha zona que se vexa a simple vista, PERO TAMÉN SON VECIÑOS DE CASTRELO e teñen dereito os mesmos servizos dos que os demais. Iso chámase IGUALDADE.

Outra parroquia que o Alcalde debe descoñecer que existe é Souto (Macendo). Coma ides ver aquí tamén arranxou o lavadoiro.

E tamén arranxou un muro que leva 2 ANOS derruido co correspondente perigo de desplome que tén e que mesmo pode afectar a rúa principal.

Isto é un exemplo da maravillosa xestión do Alcalde que parece que só arranxa o que se ve a simple vista ou as zonas onde vive xente simpatizante ou mesmo familia del. O resto NON EXISTE.

Finalmente queriámosvos comentar que estos días nós tamén saímos na prensa. A diferenza que hai entre as nosas novas en prensa e as do BNG de Castrelo son que nós xa dicimos claramente que non estamos “super felices” e que temos serias dúbidas sobre a xestión realizada polo Alcalde nestes 4 anos. Perdoade que non poñamos fotos pero e que nós o tempo que temos pasámolo na rúa falando ca xente, cando teñamos un oco posaremos para a prensa.

En formato web saímos aquí: http://ourensedixital.com/_novas/11/05/12_05.htm e en formato papel saímos en Faro de Vigo e mais na Voz de Galicia.

Finalmente queriámosvos agradecer a todos os que comentades, a vosa participación no blogue tanto sexa para facer críticas (que sempre serán ben recibidas e das que podemos aprender moito) coma para felicitarnos polo traballo que estamos a facer.

Xa sabedes que podedes comentar de forma anónima no noso blogue, mandarnos dúbidas ou mesmo solicitar o noso programa electoral no seguinte e-mail: castrelopsoe@gmail.com.

Ah! Unha cousiña...gustaríanos solicitar a algún dos nosos lectores do blogue que sexan simpatizantes do BNG (que sabemos que habelos hainos) que nos proporcionasen algún tipo de información do programa electoral que o Sr. Alcalde propón para estes 4 anos que van vir, xa que buscamos o programa até debaixo das pedras e non hai maneira. Intentámolo conseguir na súa web (a do bloque nacionalista galego no apartado que el mesmo ten) pero a sección está valeira. Deixariámoslle un comentario, pero dado que non é coma o noso blogue no cal pode participar calquera persoa de forma anónima, foinos imposible solicitalo.

Moitas grazas.

Supendese a campaña electoral

Compañeirxs:
Hoxe o Goberno central, xunto co acordo do resto de partidos políticos, decidiu suspender os actos electorais. Por iso, hoxe non imos publicar nada no blogue.

Os nosos mellores desexos a toda Murcia.
Ánimo.

Pequeno chascarrillo

Hoxe imos pedir excusas anticipadas pola pequena "trasnada" que imos poñer no blogue, pero un compañeiro noso enviounos unha fotiño que merece a pena ver.

Esperemos que ninguén a tome mal e de feito estamos case seguros de que ante a falta de ideas que teñen probablemente empreguen o lema de "Espartanos, AU-AU-AU".

Ausencia de propostas

Hoxe voulles pedir excusas os meus compañeiros e vou contarvos unha anécdota que me ocorreu hoxe pola mañá.

Cando ía saír co coche (porque esa é outra, temos unha comunicación co resto de municipios tan boa que temos que usar o coche propio para todo, pero non me vou queixar que dixen que ía contar unha anécdota...e son persoa de palabra), e atopeime co meu veciño que me dixo:

-Oíches, lin o voso programa.

-E ¿qué? ¿Gústouche? .- pregunteille eu.

-Sí, está ben pero claro non teño con que o comparar...

E cain na conta do que dicia e ten toda a razón. Ningún outro partido político está a repartir o seu programa electoral e de feito, eu mesmx que estou nunha agrupación política non sei que me propoñen o resto dos partidos que se presentan a Alcaldía, ¡manda truco!

Tras darme conta do asunto chamei ós meus compañeiros, porque quizáis a culpa fora miña o non darme conta, pero, curiosamente ningún dos meus compañeiros sabía nada do tema. Total, que puxémonos a investigar a ver se obtiñamos algún tipo de información, por aquelo de contrastar ideas...

Pois ben, tras buscar no Sr. Google o único que atopemos foi un boletín informativo do BNG, do mes de marzo deste ano, no cal o Sr. Alcalde fai balance do que él considera "unha boa xestión", pero NADA SE DI SOBRE O PROGRAMA DAS PRESENTES ELECCIÓNS, debe ser que inda viven de vellas glorias...

Analizando o documento polo miúdo encontramos lindezas deste tipo:

Mira ti que cousas, hai anos cando o poder lles chamaba (e sempre segundo a súa versión) "repartiron o programa electoral". Debe ser que eu non vivo na vila, porque eu non recibín ningún programa por aquel entonces... E curiosamente, VOLVE A FALAR DE MAIS DE 400 PERSOAS... Eu oirá falar de determinados síndromes, fobias e demais, pero é a primeira vez que vexo fixación polo número 400.

Neste outro anaquiño de entrevista con Xurxo Rodríguez falan do wifi, que "chegará ó 100% da poboación". Tamén un éxito onde os houbo, non só non chega o 100% senón que a Xunta vótalles a reprimenda porque pola súa culpa a receita electrónica na farmacia de Astariz non funciona, pero o wifi neste Concello é como coas meigas "habelo haino". 

Esta é a última das lindezas. Vamos a ver, nun programa político, onde se supón que tes que poñer iniciativas non podes poñer que queres "un Castrelo de Miño para todos e todas" e coma se alguén dí "quero ser boa persoa". Moi ben amiguiño pero para iso terás que facer cousas concretas, digo eu...

En resumo, o programa do BNG foi: poñer un wifi que non existe, facer un Castrelo para todos (nin que foramos ata agora apestados sociais) e poñer un catamarán.

Pero ¿temos unha gardería infantil municipal? Non.

¿Temos un servizo de augas? Non.

¿Paganselles ós nosos recolectores o prezo que a uva debería ter? Non.

¿Temos boas comunicacións con outros municipios? Non.

¿Temos voz e voto no Concello? ¿Podemos opinar que facer cos nosos cartos? Non.

¿Temos unha boa atención médica para os nosos maiores e pequenos? Non.

Por tanto ¿que é o que temos? NADA. Temos cartos perdidos. Esta moi ben restaurar lavadoiros, poñer un catamarán, poñer wifi... Pero se non temos un SERVICIO MÍNIMO, se non tes nin sequera un alumeado público ou unha rede de alcantarillado decente ¿de que demos vale ter un catamarán? ¿Ímolo usar moito?

Amigos, o día 22 de Maio VOTADE O PSOE de Castrelo de Miño. Vota sí ó avance.

 VOTA SÍ POR CASTRELO.

Propostas

Desta volta toca falar das moitas deficiencias que ten o noso concello e as nosas propostas de mellora.

Primeiro de todo queremos sinalar que existen iniciativas boas por parte do Concello, xa que nesta película non hai malos malisimos nin bos boísimos, as cousas deben de saír ben polo traballo colectivo de todos. Inda así hai moitas cousas que comenzaron con bó pé pero que agora son unha auténtica chapuza. Por exemplo: Pescastrelo, a zona do Ribeiriño que se habilitou para pescar e pasear. É unha zona excepcional non só en beleza senón tamén en recursos. Foi unha iniciativa boísima, mais cando acudes alí, resulta que o idílico desaparece. Os camiños dan vergoña, ir cun neno pequeno é bastante perigoso (se o levas sen agarran da man, claro está), o acceso e bastante deficiente, hixienicamente xa nin falemos... Pero buscando buscando pola rede (Deus bendiga o Sr. Google) vemos que todas as fotos relacionadas co tema son preciosas pero estas son as nosas fotos, as fotos da realidade da zona:

Outra das medallas que se colgou o Sr. Alcalde, e que saiu fai pouco na prensa foi que sustituiu o vello alumeado público por (ollo ó termo) "un nuevo sistema de autoconsumo con telegestión computarizada". Ben, primeiro non temos nin idea de que demos instalou este home no Concello pero debe ser moderno a mais non poder...E de segundo o Sr. Xurxo Rodriguez dí que xa se cambiou por enteiro a zona que vai de Barral a Santo Estevo. Pois ben, isto é un dos moitiiiiiiisimos exemplos de renovación que non debeu ver. As cousas como son, o problema é das farolas que coma son altas, hai que mirar para elas para podelas ver...

Aquí tamén vos deixamos a ligazón da noticia publicada xa fai uns días na Voz de Galicia: http://www.lavozdegalicia.es/ourense/2011/04/26/0003_201104O26C10995.htm

Pola nosa banda temos varias propostas básicas, pero hoxe coma estamos a falar de melloras de este tipo ímonos referir a unha en concreto: mellora do servizo de augas. Ó falar desta mellora referimonos o "problemilla" que experimenta a traída da auga cando chove un pouco (inda non dispoñemos de fotos, mañán  intentarémolas subir). Algunhas parroquias do concello teñen os depósitos de auga cubertos e selados con cemento mais outras (coma é o caso de Prado de Miño) obteñen a auga directamente do manantial onde nace e por iso a auga o trancurrir polo regato, cando chove, leva consigo todo o barro e area que recolle polo camiño. Isto é so un exemplo dun servizo BASICO que non temos... Temos un catamarán, mais non temos auga limpa para consumo humano...

Finalmente queremos queixarnos de que non saiu nada en prensa esta fin de semana sobre a romeria do sabado no Coto de Novelle. Consideramos que é un erro por parte do Concello non  potenciar este tipo de festas populares, pero, coma son nacionalistas e buscan a independencia da Galiza igual tamen buscan a independencia de Castrelo, cousa que conseguiron, posto que estamos illados do resto da provincia, según parece.

Iso si, coma sempre o noso benquerido Alcalde, non dixo nin "mú" na prensa sobre a romeria pero fartouse de carrexar xente nova doutros municipios (tendo en conta que según o censo actual das anteriores eleccións, no noso Concello das 1762 persoas censadas, tan só 99 teñen unha idade dos 30 os 20 anos...).

Sr. Alcalde: fomente a festa entre TODOS os interesados, non só no seu clube privado.

Se tedes calquera suxestión podédela mandar o seguinte mail: castrelopsoe@gmail.com e dende aquí animávosvos a facernos tódalas preguntas, comentarios e todo aquelo que se vos ocorra (sempre que non sexa discriminatorio ou ofensivo senón teremos que moderar o comentario). Ademais podédelo facer de maneira totalmente anónima.

CASTRELO, O QUE NOS IMPORTA

"A tontas y a locas"

Como dicía o grupo de pop Seguridad Social "pa que me provocas...a tontas y a locas".

Pois iso é o que esta ocorrer no noso municipio. A nosa agrupación socialista esta sendo branco das mofas e actos propios dun cativo de 5 anos cunha pataleta. Ditas actuacións estanse a levar por membros e simpatizantes do BNG, encabezados polo Sr. Xurxo Rodríguez. O cal explica a pataleta de neno pequecho, xa que debido a súa idade e inexperiencia nos comicios, ponse demasiado nervioso e actúa deste xeito.

O pasado xoves, cando arrincou a campaña, o PSdG de Castrelo, saiu a rúa  poñer cartaces coma tódolos partidos politicos. Correximos, coma todos non, porque esa suposta igualdade que encarna a Constitución no seu artigo 14 non é tan real coma debería ser...pero iso xa é fariña doutro costal.

Cal foi a nosa sorpresa ó comprobar que o Concello non habilitou espazos físicos para a pegada da propaganda electoral (o cal sería o lóxico), senón que só habilitou zonas comúns.Pero OLLO, eles teñen uns marabillosos cartaces serigrafiados, os cales tamén fannos pensar de onde sae tanto carto nesta época de crise...

Nós, co todo o esforzo económico que supón unha campaña electoral, puxemos o noso maior empeño en facer as cousas ben e estivemos traballando a reo até as 6 da maña, mentres que outros partidos limitáronse a quitar os plásticos que cubrían os seus cartaces colocados días atrás.

O conto é que o día seguinte a meirande parte dos nosos cartaces electorais (por non dicir todos) FORAN ARRINCADOS. Sendo conscientes do xogo sucio que algúns ían facer e dado que poñerse a discutir cun mandril é cousa absurda, decidimos deixar o asunto como estaba. Non contentos con iso, o día seguinte a moitos dos nosos compañeiros tachóusenos por parte de membros do BNG de (e citamos textualmente) "mortos de fame, que non tedes cartos para facer nada".

Pola nosa banda só imos comentar dúas cuestións:

1.- O BNG éncheselle a boca o falar de comunismo, dicindo que están en contra do capitalismo. Pois ben, neste concello tedes o exemplo do Alcalde mais cacique que o Bloque Nacionalista endexamais viu. Un Alcalde mentireiro e que inda por riba mófase da xente con menor nivel adquisitivo que el. Será que a el e o seu partido chóvenlle os cartos e poden malgastalos a mans cheas. Pero nós, somos un auténtico partido de traballadores, xente de a pé, mais ou menos preparada, pero chea de gañas e de ilusións e que por EDUCACIÓN, non van a entrar neste xogo.

2.- Non se debe esquecer dita agrupación nacionalista, que está a gobernar grazas ó apoio do noso partido. E xa vos adiantamos que este partido non volverá a negociar eles, salvo  que cambien de cabeza de lista (cousa bastante improbábel xa que parece o frautista de Hammelin...).

Por outra banda queremos dar as grazas a toda esa xente que nos anima diariamente e que están, coma nós, comprometidos con este concello e desexan que se produza ese cambio tan necesario para todos.

Ah! Esquecíasnos dar as grazas o Concello, que cada vez que lle solicitamos información tardamos mínimo un tempo de 2 horas e media en conseguila e iso supoñendo que a consigamos, porque a meirande parte das veces contéstasenos de malas maneiras e con milleiros de evasivas.

Hoxe toca noticia dobre, así que nun anaquiño subiremos información tanxible e cos datos que tanto gustan a todos.

Foto: Parte dos nosos compañeiros ante un dos cartaces “supervivente”.

Arranca a campaña!

Hoxe vimos como os reis magos: CARGADIÑOS pero de novas.

A primeira nova de todas é que, como xa sabiamos, o noso pobo ten un futuro excelente ó cargo dos mellores sucesores: os nosos nenos e nenas. De feito temos dous rapaces sobresaintes, de matrícula de honra diría eu: Ismael Rodríguez e Lucas Hermida  do CEIP de Castrelo de Miño e que participan no concurso "Xiz" patrocinado por V Televisión. Estes dous rapaciños levaron o Concello de Castrelo de Miño ó número UN dentro dos 64 colexios participantes no concurso. Dende a nosa agrupación desexámoslles moita sorte na final.

Dexámosvos a ligazón para que votedes unha ollada:

http://www.lavozdegalicia.es/genteytelevision/2011/05/06/0003_201105G6P54994.htm?utm_source=buscavoz&utm_medium=buscavoz

Por outra banda, hoxe a Voz de Galicia publica algo que xa comentaramos por aquí fai días: a inexistencia da banda ancha da que tanto alardeou o Sr. Alcalde. De feito reúnironse representantes dos concellos rurais (entre eles supoñemos que estaría o noso Alcalde) e membros da Xunta de Galicia co fin de implantar unha banda ancha que permita que funcionen correctamente os servizos da receta electrónica, xa que coma indícase no xornal: o 15% dos concellos rurais teñen un servizo deficiente ou nulo, dentro dos cales esta incluído o noso Concello, porque (repetimos) non temos a banda ancha que dí o Sr Alcalde ou, quizais a teñamos pero é como o Guadiana "aparece y desaparece".

Aquí tedes a ligazón: http://www.lavozdegalicia.es/ourense/2011/05/06/0003_201105O6C5992.htm?utm_source=buscavoz&utm_medium=buscavoz

É finalmente, aproveitando o oco que nos dá este blogue queremos poñer de manifesto a total incompetencia do Alcalde, Xurxo Rodriguez Méndez.

Coma ben saberedes, onte as 00.00 da noite arrancou a campaña municipal é dicir: xa se pode pedir o voto e xa se poden colgar faixas e cartaces de propaganda política. Pois ben, segundo a lei electoral: o Concello está obrigado a habilitar zonas para a colocación da propaganda política, cousa que o noso Alcalde debeu esquecer... ou pasar por algún sitio, porque pese a ser do BNG parece que se lle pegou certo caciquismo...

Moita xente non vé isto unha preocupación mais debemos sinalar que tamén esta prohibido colocar carteis nos contenedores de basura ou nas portas de casas abandoadas, paredes ou muros que teñan propietario (ben sexa particular ou ben sexan do propio Concello), polo tanto o marco de actuación é moi reducido. Esperemos que a xunta electoral tome medidas e que o Sr. Alcalde habilite as zonas adecuadas e se pode ser antes do 22 de maio mellor.

Compañeiros, xa sabedes que todo sempre pódese mellorar e un cambio no goberno é o que este Concello necesita. O 22 de maio ide votar, votade o PSdG-PSOE. Votade por Castrelo, votade polo que vos importa.